Одржување на фасадата JUBIZOL

Обновувачко боење

За продолжување на животниот век на JUBIZOL фасадата предвидено е обновувачко боење, кое зависи од типот на фасадниот систем. Во табелата е наведен периодот на обновувачко боење за секој од фасадните системи на JUBIZOL.

Фасадната површина за овој период може да избели, да се извалка, или да избледи, па со пребојувањето на фасадата ќе и го вратиме вистинскиот естетски изглед. Резултат на ненавремено обновување на боениот премаз е оштетување на самиот малтер. Трошоците за санирање на ваквите оштетувања на малтерот го надминуваат трошокот за самото обновувачко боење.

Во нашиот производен програм има најразлични фасадни бои за обновувачко боење на фасадата на мазни и рапави површини. Зависно од видот, квалитетот, староста и состојбата на фасадната подлога, може да се избере помеѓу високо или средно пареопропусни до високо или средно водоодбивни бои.